ഓപ്പറേഷന്‍ തൂഫാന്‍
ലഹരിക്കെതിരായ ജനകീയ പ്രതിരോധ പ്രവര്‍ത്തനങ്ങളുടെ ഭാഗമായി നടപ്പാക്കുന്ന 'ഓപ്പറേഷന്‍ തൂഫാന്‍ 2.0 ദി നാര്‍ക്കോ ഹണ്ട്' പദ്ധതിയുടെ ഭാഗമായി കൊരട്ടി ഗ്രാമപഞ്ചായത്ത് തല 'തൂഫാന്‍ ജാഗരണ്‍' പരിപാടിക്ക് തുടക്കമായി. കൊരട്ടി ഗ്രാമപഞ്ചായത്ത് കോണ്‍ഫറന്‍സ് ഹാളില്‍ നടന്ന പരിപാടി ഗ്രാമപഞ്ചായത്ത് പ്രസിഡന്റ് ശ്രീമതി ലീല സുബ്രഹ്മണ്യന്‍ ഉദ്ഘാടനം ചെയ്തു. ലഹരിക്കെതിരായ പ്രവര്‍ത്തനങ്ങള്‍ തദ്ദേശതലത്തില്‍ കൂടുതല്‍ ശക്തമാക്കുന്നതിനും ജനപങ്കാളിത്തം ഉറപ്പാക്കുന്നതിനുമാണ് തൂഫാന്‍ 2.0 ലക്ഷ്യമിടുന്നത്. ലഹരിയുടെ ഉപയോഗം തടയുന്നതിനൊപ്പം ലഹരി വിതരണ ശൃംഖലകള്‍ക്കെതിരെ ജാഗ്രതയും സാമൂഹിക ഇടപെടലുകളും ശക്തമാക്കുകയാണ് പദ്ധതിയുടെ ലക്ഷ്യം. പരിപാടിയില്‍ കൊരട്ടി ഗ്രാമപഞ്ചായത്ത് വൈസ് പ്രസിഡന്റ് ശ്രീ. ജോബി ഇമ്മാനുവല്‍ സ്വാഗതം ആശംസിച്ചു. വികസനകാര്യ സ്റ്റാന്‍ഡിംഗ് കമ്മിറ്റി ചെയര്‍പേഴ്സണ്‍ ശ്രീമതി ഗ്രേസി സ്‌ക്കറിയ, ക്ഷേമകാര്യ സ്റ്റാന്‍ഡിംഗ് കമ്മിറ്റി ചെയര്‍മാന്‍ ശ്രീ. ഫിന്‍സോ തങ്കച്ചന്‍, മെമ്പര്‍മാരായ ശ്രീ. ജയരാജ് കെ.സി, ശ്രീ. സുരേഷ് കെ.എ. എന്നിവര്‍ ആശംസകള്‍ നേര്‍ന്നു. കൊരട്ടി പോലീസ് സ്റ്റേഷന്‍ എസ്.എച്ച്.ഒ. ശ്രീ. വിഷ്ണു രാമചന്ദ്രന്‍, ചാലക്കുടി എക്സൈസ് ഓഫീസര്‍ ശ്രീ. കെ.കെ. രാജു ലഹരിവിരുദ്ധ ബോധവല്‍ക്കരണ ക്ലസ്സുകള്‍് നയിച്ചു. പരിപാടിയുടെ ഭാഗമായി തൂഫാന്‍ പതാക ഉയര്‍ത്തല്‍, തൂഫാന്‍ പ്രതിജ്ഞ, എന്നിവയും നടന്നു. 'തൂഫാന്‍ ജാഗരണ്‍' എന്ന സന്ദേശത്തിലൂടെ ലഹരിക്കെതിരായ ജാഗ്രത ഓരോ വീടുകളിലേക്കും സമൂഹത്തിന്റെ എല്ലാ തലങ്ങളിലേക്കും എത്തിക്കുകയാണ് ലക്ഷ്യം.
''ലഹരിക്കെതിരെ ജാഗരൂകരാകാം, നമ്മുടെ നാടിനെ കാക്കാം'' എന്ന സന്ദേശവുമായി ജനപങ്കാളിത്തത്തോടെ ലഹരിവിരുദ്ധ പ്രവര്‍ത്തനങ്ങള്‍ ശക്തിപ്പെടുത്താന്‍ പരിപാടിയില്‍ ആഹ്വാനം ചെയ്തു. ശ്രീമതി ഇന്ദു കെ.ഡി., (അസിസ്റ്റന്റ് സെക്രട്ടറി ഇന്‍ചാര്‍ജ്) നന്ദി രേഖപ്പെടുത്തി.
